豬仔記事

生日過後

本來以為今年生日又係一丁友食玻璃，最終都收到幾個ICQ祝賀。老媽子無同我講過生日快樂，但係就Send o左個電貓俾我，我同佢o係同一間屋住，只係一床之隔，其實使唔使要用到電貓同我講生日快樂呢？不過都開心o既，至少知道老媽子仲記得我生日。

今年仲多左兩個極度關心我o既人 - 一個同我做基金，另一個同我做醫療保險，總言之兩個都係保險Agent，其中有個仲話有生日禮物俾我，so far我仲未meet佢，所以唔知係乜野生日禮物。只係覺得有兩個同你無乜關係o既人會祝賀你生日有點奇怪。其實我本身係唔會主動同人講我生日，因為我好想知道有幾多個朋友唔提佢都會記得我生日。

咁究竟九月十四號我做過乜呢？

晏晝我帶左個「懶」有病o既友人去睇跌打，真係唔睇唔知原來睇跌打執一劑藥要成兩舊水，仲要兩日執四劑，有錢果然係唔同o的。夜晚就跟另一位友人(為免混亂下稱「令女」)去北酒場吃放題，真係好開心，那晚食慾不錯，可惜忘記了拍下那些美味的食物。其實那天下午作悶情況很嚴重，還打算先買止嘔丸會「令女」，還好最終沒有甚麼問題。下午那位病人就比較慘了，看見我一路吃一路作悶，他看到我那個樣子自己也吃不下去。晚上還跟「令女」去看「喇叭書院」，恨o左睇咁耐終於有機會睇，一套很搞笑的電影，亦令我很懷念當年在中學銀樂隊的日子。講返轉頭，其實「令女」給了我一份禮物，我就唔多講是甚麼來，總之每當我看到這份禮物的時候就會想起她將禮物遞給我時的樣子，真係開心死我喇。不過岩岩我好似激嬲o左佢.....慘喇.....我最怕得罪女生的。可能今日工作太忙，個人有點燥，真係對唔住呀 ><

posted by 豬仔 @ 1:01 上午