豬仔記事

豬仔記事開張

兜兜轉轉，終於有返個BLOG。都係o個句，大家睇到有更新既話即係我仲未死。

今次個BLOG有咩唔同？有幾項：
1) 我部新電話(Sony Ericsson K750i)終於可以影到人睇o既相喇。日後除o左有豬仔o既文字仲會有豬仔o既Snapshot。
2) 家裡多了台也媽媽電子琴，有機會可以同大家分享下我的DEMO
3) Last but not lease，自問：點解叫「豬仔記事」o既？自答：豬仔並唔係我o既人格第三分裂，可能大家聽得我網名多，其實我真係叫豬仔。
我婆婆叫老媽子做「嫻豬」，我也順理成張變左做「豬仔」喇。不過我絕對唔肥，已經仲係得棚骨o個隻。所以我成日都話，個名有乜就會無乜，除非你姓「吳」。因為某些原因我個網名已經同工作扯上關係，唯有用第二個名在BLOG講私人野避免影響到公司。亦都因為咁，大部份知我網名甚至真名o既人都未必知有呢個網o既存在，俾得個網址你即係信得過你嫁喇。

今晚講住咁多先........繼續工作

posted by 豬仔 @ 3:01 上午