豬仔記事: 忽略太多，反應太慢

星期四, 11月 10, 2005

忽略太多，反應太慢

　　是日無奈：難度選擇一定有對與錯？為何我還那麼自責？

　　上星期講過話去左睇NANA，真係好好睇，由於我未睇過漫畫，所以我唔知道中島美嘉飾演o既NANA係咪真係同漫畫版咁相似，不過做型的確好搶，ENDING我好喜歡，所以前日友人話一齊去睇我都好開心。不過慘就慘在前晚睇睇下戲途中Datacenter打黎話Server出事，唯有一路睇戲一路睇住部PocketPC，直至昨晚先知道友人有點兒不滿。我覺得有點不好意思之餘又有點尷尬，做左人地電燈膽之餘仲要俾人發現到無留心睇戲。其實我自己都好討厭睇戲遲到同唔留心，因為咁樣即係唔尊重套戲，唔尊重觀眾，更加係唔尊重自己。不過Server死左唔搞又係死，呢o的位怪得邊個？唔通下次睇戲一定要熄電話？友人又不滿，翌日o的客又小我地，兩邊都不討好，我又可以點？

　　寫埋o的咁o既o野唔係想怪邊個，只不過係想發洩下。Anyway，真係唔好意思呀呢位友人。

　　睇完戲正當頭痕緊去唔去Datacenter之際，我o的緊張病又發作係咁作悶，唯有搵地方食o的o野先。o個間咁o既太興燒味，單拼飯夠擔死賣HK$40，o野飲仲要加HK$3，難度佢o的燒味飯鑲金的？還好宵夜時段o的餐比較平，食o左個芥辣燒肉飯Something like that加杯凍奶茶。今次係我第一次見識太興o既冰鎮奶茶，唯一好處係o的冰唔會溶落杯奶茶度，唔計呢樣o既可以用四個字黎形容 - 法國大餐。